పుట:రాజగోపాలవిలాసము (చెంగల్వ కాళయ).pdf/154

శ్రీరాజగోపాలవిలాసము

69

సీ.⁠

పాన్పుపైఁ గూర్చుండి బాగా లొసంగుచో                  చేసోఁకుటకుఁ గొంత చిత్తగింప తనుఁజూచి మాటాడ ధవుఁడుఁ బ్రార్థింపంగ                  మాటలాడంగ నెమ్మదిఁ దలంచి సకినల బటువులు సరసకు దివియంగ                  మొలచిన జిలిబిలి ముద్దుబలుకు రవళికం గెరలు పారావతమ్ముల మించు                  కలరవమ్ముల మాటుగా నొకింత

⁠

గీ.⁠

తెలిసి తెలియదటన్న సందేహ మలర చిగురుకెమ్మోవి ననలొత్త చిన్నినగవు బెళకుచూపుల రాగంబు పెనగొనంగఁ బ్రమద పలికినపలుకులఁ బ్రమదమందె.

⁠ 24

మ.⁠

కలయం బర్విన చూపుతూపు లెలగో ల్గావించి వేమించి య య్యలినీలాలకయున్ విభుండు తమి బాహాబాహిఁ బోరాడఁగా వల రాయండు ప్రసూనవర్షములఠేవల్ చూపినట్లయ్యె న య్యలరుంబోడికి కొప్పువీడివడి క్రిందై క్రొవ్విరుల్ చిందఁగన్.

⁠ 25

గీ.⁠

చూపుచూపును సరివోవఁ జూచి యపుడు హృదయములు రెండు సరియౌట నెఱుఁగ వేఁడి గాఢపరిరంభసంభ్రమకైతవమున బాయకుండిరి వేడ్కతోఁ బతియు సతియు.

⁠ 26

క.⁠

రతి చాటువులను నిర్జిత రతియగు సతి మనము గరంచి రాగము మీఱన్ రతులం దేలిచె యాహరి యతులితసమ్మోదగర్భితాశయుఁ డగుచున్.

⁠ 27