పుట:రాజగోపాలవిలాసము (చెంగల్వ కాళయ).pdf/151

66

శ్రీరాజగోపాలవిలాసము

సీ.⁠

చెక్కున మకరికల్ చికిలిగోరున వ్రాయు                  నపుడు నాతోడ నేమనియె మున్ను? మేడచేరువకుఁ దా మెల్లమెల్లన వచ్చి                  నను సన్న సేసి యేమనియె నాఁడు? నిచ్చవెన్నెల గాయ ముచ్చటలాడుచు                  నతిరహస్యముగ నేమనియె మొన్న? నెలదోఁటలోన రేయెల్లను విహరించి                  యకట! వేకువనె నేమనియె నిన్న?

⁠

గీ.⁠

పలికి బొంకనివాఁడంచుఁ బలుక దెపుడు నింతలో వింత లోయింతి! యేమి పుట్టె? నౌర! యామోహనాకారుఁ డాచరించు మాయ లిటువంటి వందుకే మాయ నిపుడు.

⁠ 11

క.⁠

మగవారికిఁ గలగుణముల మగువల వలపించుదనుక మమకారంబుల్ మగువలు వలచినపిమ్మటఁ దగవులు మతి వేఱె కావె తామరసాక్షీ!

⁠ 12

క.⁠

కలలోన నైన నెన్నఁడు పలుకులు జవదాటకుండు పతికిన్ సతికిన్ కలిగెను సిలుగని సవతులు కలకలనవ్వంగఁ దాళగలనా! లలనా!

⁠ 13

సీ.⁠

ఎంత నేరము చేసి యేనియు నాచెంత                  నిలిచినఁగోపంబు నిలుపనేర చూపులలో వింతసొగసులు చిగురించఁ                  జూచిన వెగటుగాఁ జూడనేర

⁠