పుట:రాజగోపాలవిలాసము (చెంగల్వ కాళయ).pdf/149

శ్రీరస్తు

శ్రీరాజగోపాలవిలాసము

తృతీయాశ్వాసము

⁠

శ్రీకలితదానతోషిత లోకాలోకాంతరస్థలోకాలోక వ్యాకోచోత్పలరేఖా రాకేందుసరూప! విజయరాఘవభూపా!

⁠ 1

గీ.⁠

అవధరింపుము! సూతసంయమివరుండు శౌనకునితోడ నిట్లను శౌరి యట్ల భద్ర లక్షణఁ దేలించి ప్రమదమునను మఱియు గరితలపై చాల మమత యుంచి.

⁠ 2

విప్రలబ్ధ - జాంబవతి

క.⁠

అంతట నాజాంబవతీ కాంతారత్నంబు దూలికామణితో నే కాంతంబునం బలికెడు నల వింతల నొకకొన్ని వినెడువేడుకతోడన్.

⁠ 3

చ.⁠

పలచఁగఁ బూసినట్టి కలపంబునఁ బుట్టిన వింతవాసనల్ కొలనికెలంకు పూఁబొదలకున్ నెఱతావుల సొంపునింపఁ బై వలిపెపుదుప్పటీచెఱఁగు వల్లెడ వైచి యదూద్వహుండు దా సొలపున మాపి లేఁజిగురుజొంపపుసందులఁ జూచుచుండగన్.

⁠ 4

క.⁠

కలకంఠకంఠి యచ్చట చెలువుని వంచనకుఁ దనదు చిత్తములోనం గలఁగుచు మరుబాములచే నలమటఁ బడి దూతితోడ నపు డిట్లనియెన్.

⁠ 5