పుట:రాజగోపాలవిలాసము (చెంగల్వ కాళయ).pdf/147

62

శ్రీరాజగోపాలవిలాసము

చ.⁠

మొలిచిన మోహభారమున ముందర నంత బ్రియానులాపముల్ బలికినయట్టులైన తమభావముల న్నెలకొన్న గూర్మిచేఁ దొలుతటియల్కలన్ మఱచి తోడనె వారు రసాతిరేకతం జెలఁగిరి మాధవుం డపుడు చిత్తమునన్ ననలొత్త వేడుకన్.

⁠ 77

గీ.⁠

నేర్పుమాటల మచ్చిక లేర్పరించి చూపు వెంబడి వలపులసోన గురియ చికిలి క్రొవ్వాడి కొనగోరు చిఱుత సోఁకు లంది నొకకొంత గిలిగింత యంకురింప.

⁠ 78

చ.⁠

మనసిజుశాస్త్రమర్మములు మాటికిమాటికి నేర్పు మీఱఁగా బెనఁకువలందు దెల్పుచును బింకపుజంకెన వాఁడిచూపులన్ మనములయందు సందుకొను మచ్చిక హెచ్చఁగ నిండుఁగౌఁగిటన్ వనరుహనేత్రి దేల్చె యదువల్లభుఁ డుల్లము పల్లవింపఁగన్.

⁠ 79

ఆశ్వాసాంతము

మ.⁠

అవనీయాచకహర్షదాయి వసుధారాజీవ! రాజీవస న్నవనాహారణలక్ష్యలక్షణకళానాసత్య! నాసత్యమా ర్గవిరోధిక్షితిపావరోధితమహాకాంతార! కాంతారణ న్నవమంజీరనినాదమోదితమనోనాళీకనాళీకనా!

⁠ 80

క.⁠

ధారాధరలాలస దసి ధారాదళితారి రక్తధారాళ ధరా ధారాటనభానిర్జిత ధారాధరధైర్యదానధారాధారా!

⁠ 81