పుట:రాజగోపాలవిలాసము (చెంగల్వ కాళయ).pdf/129

శ్రీరస్తు

శ్రీరాజగోపాలవిలాసము

ద్వితీయాశ్వాసము

⁠

శ్రీరాజగోపకరుణా పూరాపూరితసమస్తపురుషార్థనిధీ! వారణఘోటకహాటక రారాజత్సదన! విజయరాఘవమదనా!

⁠ 1

గీ.⁠

అవధరింపుము సూతసంయమివరుండు శౌనకునితోడ నిట్లను శౌరి యట్లు భోజతనయను సమ్మదాంభోధిఁ దేల్చి తక్కినటువంటి సతులపైఁ దలఁపు నిల్పి.

⁠ 2

జారిణి భద్ర

సీ.⁠

పలకవజ్రపు తేటతెలినీటిచిట్టూట                  చలువల గుబురుగా మొలచి హెచ్చు పచ్చరాతీవెలపై లేటతుదలను                  జిగురించు కెంపురాచిగురుగుంపు సందుసందులయందుఁ గందలించినయట్టి                  కట్టాణిముత్యాల కమ్మవిరుల వైడూర్యముల తెర వలిదేనియకు మూఁగు                  కప్పురాతేంట్లఝంకారసరణి

⁠

గీ.⁠

కరణిఁ దనరారు గాయనీగానతాన మానమానితనవసుధామధురిమముల జీవబంధంబు గన్న విచిత్రచిత్ర రాజి రాజిలు నొకసౌధరాజమందు.

⁠ 3