పుట:రాజగోపాలవిలాసము (చెంగల్వ కాళయ).pdf/118

శ్రీరాజగోపాలవిలాసము

33

కథారంభము

క.⁠

నారాయణదివ్యకథా పారాయణతత్పరుండు పరతత్త్వకళా పారీణుఁడు శౌనకముని సారవిచారునకు సూతసంయమి కనియెన్.

⁠ 87

సీ.⁠

హరికథాసుధ లాని యానంద మందితి                  నాదేవు వసతిచే నతిశయించు దక్షిణద్వారకాస్థలమహత్త్వం బిఁక                  వినిపింపు వీనులవిందు గాఁగ ననవుఁడు, సూతుఁ డిట్లను “శౌనకమునీంద్ర!                  భక్తితో మున్న గోప్రళయమౌని తపము చంపకవనాంతరమున సవరింప                  హరి సుప్రన్నుఁడై యతఁడు వేఁడ

⁠

గీ.⁠

బ్రేమ పదియాఱువేలగోపికలు గొలువ గరిత లెనమండ్రు ననురాగగరిమఁ జెలఁగ వివిధశృంగారరచనలు వెలయ నందు మహిమతో నుండు మన్మథమన్మథుండు.

⁠ 88

చ.⁠

నెలకొను మించులో? మెలఁగ నేర్చిన రత్నపుఁగీలుబొమ్మలో? కులుకులు మీఱు మారు సెలగోలలొ? పల్కెడు పూవుదీవెలో? సొలపులు గన్న వెన్నెలలసోగలొ? నాఁ గనుకన్న ప్రాయపుం జిలుకలకొల్కు లెల్ల తన చెంతలరా నెఱరాజసంబునన్.

⁠ 89

శా.⁠

కేళాకూళులచెంత, పుష్పితవనక్రీడానికుంజంబులన్ కేళీసౌధశిరోగృహాగ్రములచక్కిన్, పూర్ణపూగావళీ

⁠