పుట:రాజగోపాలవిలాసము (చెంగల్వ కాళయ).pdf/116

శ్రీరాజగోపాలవిలాసము

31

సీ.⁠

శాలివాహనశకసంవత్సరములు వే                  యేనూరు నేఁబదియేను వరుస చనఁగ శ్రీముఖనామసంవత్సరంబున                  శ్రావణశుద్ధపక్షమున ద్వాద శిని సౌమ్యవాసరంబున దక్షిణద్వార                  కను కృష్ణతీర్థమందు నియమమున స్నానంబు గావించి సంకల్పపూర్వకము                  గాను షోడశమహాదానములను

⁠

గీ.⁠

ఘనత మీఱఁ గళావతీగర్భశుక్తి మౌక్తికఫలంబు రఘునాథమహిపసుతుఁడు విజయరాఘవ మేదినీవిభుఁ డొసంగె వేదవేదాంతవిదులైన విప్రులకును.

⁠ 79

సీ.⁠

కాశికాపట్టణఘంటాపథంబుల                  విప్రకోటులవల్ల వినుతిఁ గాంచి రామేశ్వరస్థలరాజమార్గంబుల                  బ్రహ్మసంఘము లెన్నఁ బ్రణుతి కెక్కి ద్వారకాయతపురద్వారసీమలయందు                  మహిసురల్ నుతియించ రహి వహించి మధురాపురోత్తమమధ్యవీథులయందు                  వసుధామరస్తుతి వన్నె మీఱి

⁠

గీ.⁠

యలరు నీయన యనివారితాన్నదాన మహిమ భూతభవిద్భావిమహిమహేంద్ర ముఖుల కరుదని పొగడ దిఙ్ముఖములందు ఘనతఁ జెలువొందు విజయరాఘవవిభుండు.

⁠ 80