పుట:రాజగోపాలవిలాసము (చెంగల్వ కాళయ).pdf/115

30

శ్రీరాజగోపాలవిలాసము

సీ.⁠

చేరికొల్చినఁ గల్గు తారహారావళు                  లనుమాట నిజమె పాండ్యక్షితీంద్ర! కని కొల్చినను గల్గు కనకకోటీరంబు                  లనుమాట నిజమె మద్రాధినాథ! భక్తిఁ గొల్చిన గల్గు బాహుకేయూరంబు                  లనుమాట నిజమె కొంగావనీశ! నమ్మి గొల్చినఁ గల్గు నవరత్నకంబులు                  ననుమాట నిజమె యాంధ్రాధినాథ!

⁠

గీ.⁠

అనుచు మును మంత్రు లనుమాట లనువదింతు రనుదినంబును శింజితవ్యాజమునను విజయరాఘవ మేదినీవిభుని యంఘ్రి గండపెండెంపుబొమ్మలై యుండుదొరలు.

⁠ 77

సీ.⁠

అందె సింగారించ నందిచ్చు నెపమున                  ధవునిఁ గన్గొనియె మాళవవధూటి కీలు పొందిక సేసి కీలించు నెపమున                  భర్తఁ గన్గొనియె నేపాలబాల పాదపీఠము నిల్పు పనినెపంబునఁ జేరి                  మగనిఁ గన్గొనియెను మగధకాంత చరణాంబురుహసేవ సవరించు నెపమున                  విభుని గన్గొనియె సౌవీరతరుణి

⁠

గీ.⁠

ఇట్లు కనుగొని యరికాంత లెలమిఁ జెంది విజయరాఘవ మేదినీవిభుని యంఘ్రి బిరుదుపెండెంపుబొమ్మకా ప్రియులఁ గాంచి వగతు రాత్మల నిట్టూర్పు నిగుడనీక.

⁠ 78