56
ముకుందవిలాసము
కం॥ అని చూపి చూపి చెప్పిన
యనుజుని వచనములు విని గదాగ్రజుఁ డా జ
వ్వని నెపుడు జూడఁగలుగునొ
యని యువ్విళులూరుచుండె నా సమయమునన్.235
సీ॥ సురసాలసమశీల సురసాల తరుజాల
సరసాలవావాలపరిసరంబు
మలయాగతటభాగనిలయాగమాభోగ
వలయాగతసదాగతిలసితంబు
వనితాజనసమాజజనితాజరమనోజ
జనతాజయవిరాజదనునయంబు
సురతాంత సునితాంత పరితాంత సదుదంత
భరితాంతరసకాంతవరచయంబు
గహనసహచర సహచరావహిత మహిత
వికచరుచికుల విచికల సకలవకుళ
విసరమధురస మధుర సదసమకుసుమ
సముదయము బొల్చె మధుమాససముదయంబు.236
సీ॥ వరపర్వవిస్ఫూర్తి వనరాసు లుప్పొంగె
దగువిధిఁ జంద్రుఁ డుత్కర్ష మించె
ధర్మాశఁ గనె జగత్ప్రాణధారారూఢి
యతనువైభవలీల లతిశయించె
సుమనస్సమూహముల్ సొంపుచే నింపారె
జగతి సాఫల్యంబు సంగ్రహించె
శుకముఖద్విజరాజసూక్తులు విలసిల్లె
సారసస్థితి హంసచయము లమరె
