ఈ పుట ఆమోదించబడ్డది
పానవట్టము తూరుపుపర్వతంబు,
దీపికారాజి తారలు, ధూప మిరులు
గా వెలుంగఁగ, స్ఫటికలింగంబొ యనఁగ
నిండుచంద్రుఁడు కన్నులపండు వయ్యె.
చిమ్మచీకటికుప్పల చెత్తమీద
బగ్గుబగున మండిడి యగ్గి వోలె
ఉదయరాగంపుకాంతుల సుజ్వలించి
ఇందుబింబము లోచనానంద మయ్యె
వెన్నెల యనంగ రాత్రి నా నెలయు తనదు
పత్నులిరువుర మేచ్చులఁ బడయఁ గోరి
తెలుపు నలుపులు గలమేన నలరే ననఁగ
నిండు చంద్రుఁడు కన్నులపండు వయ్యె.
మెల్ల మెల్లన చిఱుచేప లెల్ల మ్రింగి
పెద్దచేప క్రమంబుగ పెరిగినట్లు,
విన్నుకడలిని చుక్కలు సన్నగిల్ల
అంతకంతకు చందురుఁ డగ్గలించె.
42
