పుట:మీగడతరకలు.pdf/49

వికీసోర్స్ నుండి
ఈ పుట ఆమోదించబడ్డది

చంద్రోదయము


అంబరం బను కమలాకరంబునందు
కైరవంబుల కైవడి తార లలర ,
అందు విహరించు కొదమరాయంచ యనఁగ
నిండుచంద్రుఁడు కన్నులపండు పయ్యె.

పొంచి తెరవెన్క దాఁగి దోబూచులాడు
ముద్దు గులికెడు పసిపాప మొగము వోలె,
కారుమబ్బుల సందునఁ గాన నగుచు
ఇందుబింబము లోచనానంద మయ్యె.

అంబరం బను నీలిపళ్లెంబునందు
అక్షతలు పూలె నక్షత్రకాళి మెఱయ,
తేజరిల్లెడు కపురంపుదీప మనఁగ
నిండుచంద్రుఁడు కన్నులపండు వయ్యె.

41