పుట:మార్కండేయపురాణము (మారన).pdf/20

శ్రీరస్తు

మార్కండేయపురాణము

పీఠిక

విష్ణుస్తుతి

⁠

తరుణీముఖోజ్జ్వలశశిద్యుతియు న్బృథుకౌస్తుభార్కబా లాతపదీప్తియు న్నిజభుజాంతరరమ్యనభస్థలి న్బరి స్ఫీతవిచిత్రభాతి విలసిల్లఁగ నొప్పురమావరుండు సం ప్రీతిఁ గృతార్థుఁ జేయుతను శ్రీనిధి నాగయగన్నధీనిధిన్.

⁠ 1

శివస్తుతి

మ.⁠

కరుణాసాంద్రపయఃప్రపూర్ణమును రంగద్దోస్తరంగంబుఁ బ్ర స్ఫురదాకల్పభుజంగమాంబుచరమున్ శుంభజ్జటావిద్రుమో త్కరము న్గాంతిసుధోదయంబు నగు నుద్యచ్ఛంకరాకారవా ర్థి రమావర్ధనుఁ జేయుఁ గాత సుగుణున్ శ్రీగన్నసైన్యాధిపున్.

⁠ 2

బ్రహ్మస్తుతి

మ.⁠

హరినాభీకమలంబు జన్మసదనం బై వేదము ల్పల్కు లై తరుణీరత్నము వాణి పత్ని యయి విద్య ల్భూషణశ్రేణి యై చరభూతాచరభూతజాలము లొగి న్సంతాన మై యెంతయు న్బరగ న్బొల్చువిరించి గన్నరథినీపాలు న్సుఖి న్జేయుతన్.

⁠ 3

విష్వక్సేనస్తుతి

శా.⁠

రంగద్గండతటీసమగ్రమదధారాగంధలోభభ్రమ ద్భృంగీమంజులగీతి వీనుల కతిప్రీతిం గడల్కొల్ప స ర్వాంగంబు ల్పులకాంకితంబుగఁ గడు న్హర్షాత్ముఁడై యొప్పు ను త్తుంగాంగు న్గజవక్త్రు మాకు నభివక్త్రుం గాఁ బ్రశంసించెదన్.

⁠ 4