పుట:మన్నారుదాసవిలాసము (పసపులేటి రంగాజమ్మ).pdf/46

28

మన్నారుదాసవిలాసము

⁠

గనుఱెప్ప వేయ కప్పుడు వినయంబున నిలిచి మొక్కి వినుతు లొనర్చెన్.

⁠ 25

సీ.⁠

బృందావనంబునఁ బెంపొందు తండ్రికి         నే దెచ్చు శ్రీతుళసీదళములు నరుణాబ్జవాసిని యైనట్టి తల్లి కే         సమకూర్చు నరుణాంబుజాతములును జంపకవనమునం జరియించు నయ్య కే         నొనగూర్చు సంపెంగననలదండ పారిజాతముతోడఁ బ్రభవించు జనని కే         నమరించు పారిజాతములసరులు

⁠

తే.⁠

నమృతకరునకు నమృతోపహార మొసఁగి నట్లనుచుఁ బూజ గావించి యభినుతించి గరితలును దాను చలువచప్పరమునందు వేడ్క లుప్పొంగ గనుఁగొనువేళయందు.

⁠ 26

వ.⁠

ఆదివ్యప్రభావంబు గల యాదివరాహస్వామియు, ఉల్లసత్తేజోవిరాజమాను లైన తిల్లగోవిందరాజులును, రమ్యవైభవంబుల రాణించు శార్ఙ్గపాణియు, నవక్రపరాక్రమంబు గల చక్రపాణియు, వైరిమదాపహారి యైన శౌరిరాజ స్వామియును, నీలాంబుజశుభాకారంబు గల నీలమేఘస్వామియు, శృంగార వైఖరిం జెలంగు శింగపెరుమాళ్ళును, [1]దళితాసురజనాహ్వుం డగు తంజ పురనరసింహుండును, రంగద్విహారు లగు తిరుమంగయాళ్వారులును మొద లుగా సురపతులచేత పూజలు గొన్న తిరుపతులనుండి వేంచేయు స్ఫూర్తిగల నిజలీలామూర్తుల నందఱిని నవసరంబులవారు బడిబడిని విన్నవింపఁ బొడ గనిపించుకొని, ముందుగా భేరీశతంబులు బోరుకలంగ, నమందచతురంగ బలంబులు సందడిగ నడవఁ బొడగు లగు గొడుగులును, జొక్కంబు లగు టెక్కెంబులును నరుదు లగు బిరుదులుసు మనుజనయనోత్సవకారణంబు లగు మకరతోరణంబులును, జాల రాణించు చాలుదీవటీలును, నెడనెడల తీరుగల దీపంబుల తేరులును, బ్రావీణ్యంబు మీరఁ గావించు రావణకుంభ కర్ణవాలిసుగ్రీవహనుమదాదిభావంబుల మించు దీపప్రతిమలును, సారువు లైన మేరువుదీవటీలును, నెంచఁదగి మించు కంచువెండిబంగారుకైదీవటీ

⁠

1. దళితసుజనాహ్వుం డగు. క. దళితసుజనాహ్వుం డగు.