పుట:మన్నారుదాసవిలాసము (పసపులేటి రంగాజమ్మ).pdf/108

90

మన్నారుదాసవిలాసము

⁠

భాగవతముద్ర వహించి చిటితాళంబు లెగరవైచి నటియించువారును, ఉల్లంబునఁ దలంచిన కోరిక లీడేరిన రథంబువెంబడిన్ పొర్లుదండంబు లిడువారును నై సేవించ, వారి యభీష్టంబులు నెఱవేర్పుచు వచ్చి చెలువు మీరఁ దిరుతేరు నెలవున నెలవుకొనఁజేసె. నప్పుడు ప్రజ లందఱు నొప్పు మీరఁ జప్పటులు చరచుచు నాబాలగోపాలంబును నాగోపాలు సేవించు నవసరంబున.

⁠ 67

క.⁠

మన్నారుదాసనృపతియు మన్నారు నుతించి మ్రొక్కి మచ్చికమీరన్ జెన్నారఁ బూజసేయుచు వన్నెగఁ దనవెంటవచ్చు వనితలు దానున్.

⁠ 68

సీ.⁠

కాన్కగా నప్పుడు కావళ్ళతోఁ దెచ్చు         వింతైన బంగారువెండిముడులు కనకమయంబు లౌ కదళీఫలంబులు         నారికేళంబులు నవ్య మైన వస్త్రభూషణములు వరగంధమాల్యముల్         క్రమముతో నర్పించి ఘనత మీర దివ్యంబు లైనట్టి తీర్థప్రసాదముల్         స్వీకరింపుచు భక్తి చెన్నుమించఁ

⁠

తే.⁠

దేరు డిగ్గి యామన్నారుతీర్థ మొసఁగ వీడె మంగీకరింపుచు వేడ్కతోడ మగుడ సేతికి వేంచేయు మన్ననారు లను భజింపుచు నానందలక్ష్మి గాంచె.

⁠ 69

క.⁠

భాసురకీర్తివిశాలా! వాసవముఖవినుతశీల! వారణపాలా! భూసురహితగుణజాలా! శ్రీసత్యాకేళిలోల! జితశిశుపాలా!

⁠ 70

పంచచామరం.⁠

సురేంద్రమౌళిరత్నకాంతిశోభితాంఘ్రిపంకజా! సరోజమిత్రశర్వరీశచారులోచనద్వయా!

⁠