ఈ పుట ఆమోదించబడ్డది
బంగారు పండ్లు
అడవిదాపల నొకపూరిగుడి సెయందు
కాఁపురం బుండె ముదుసలికాఁపువాఁడు;
ఆతఁ డొకనాఁడు భూమిలో పాతుచుండె
చిన్నమామిడిటెంకల కొన్ని తెచ్చి.
వేఁటలాడఁగ నాదారివెంటఁ జనుచు,
తనదు పరివారజనులతో ననియె రాజు:
“కాంచితిరె మీర లీమూడుకాళ్ల ముసలి
చేయుచున్నట్టి చిత్రంపుచేఁత లౌర ?
“వృద్దుఁ డక్కట ! ఎంతటి వెఱ్ఱివాఁడు ?
విత్తుచున్నాఁడు మామిడివిత్తనముల,
చెట్లఫలముల తాను భక్షింపఁ దలఁచి;
ఎంతకాలము జీవింప నెంచినాఁడొ ?
16
