పుట:మత్స్యపురాణము.pdf/36

శ్రీ

మత్స్యపురాణము

ద్వితీయాశ్వాసము

⁠

శ్రీరామానుజ మునివచ నారూఢమతప్రకాశ! యతులితవేదా చారప్రసిద్ధరక్షా పారీణకటాక్ష! రంగపట్టణరాజా!

⁠ 1

వ.⁠

అవధరింపు మిట్లు పుండరీకాక్షుం డానతిచ్చినఁ దదాజ్ఞ యే నంగీకరించి యప్పుడు తద్వేదపర్వతంబులు చేరం జని నాల్గుహస్తంబుల ముష్టిగ్రాహ్యం బులగు వేదంబులు గ్రహించిన నవి ఋగ్యజుస్సామాధర్వణంబు లయ్యె నంత నప్పరమమూర్తి దివ్యశరీరంబువలన లింగశరీరంబులు ధరియించి న జీవకో ట్లనంతంబులై జనించిన.

⁠ 2

క.⁠

మునుకొన్న యట్టి జీవులఁ గనుఁగొని లక్ష్మీశుఁ డంతఁ గౌతుక మొదవన్ ననుఁ జూపి నానితో నీ ట్లనియెను దరహాసవికసితాననుఁ డగుచున్.

⁠ 3

గీ.⁠

ఇతఁడు పద్మభవుఁడు చతురాననుం డాత్మ సముఁడు సర్వలోకశాశ్వతుండు జీవులార! మీరు చిరకాల మితనిచేఁ బోష్యు లగుచు మనుఁడు పొలుపుమిగిలి.

⁠ 4

వ.⁠

అని యి ట్లానతిచ్చి యాపరతత్వరూపంబగు కైటభమర్దనుండును వేద పర్వతసమేతం బగు వైకుంఠపురంబును నంతర్ధానంబు నొందె నంత నేను ను దత్ప్రసాదంబున నీబ్రహ్మలోకంబున కరుగుదెంచి రేతోమయం బగు సృష్టి నిర్మింపం బూని భూబీజమిశ్రణంబున నుద్భిజ్జంబు లై తరుగుల్మాదిరూ

⁠