|
భ్రమవద్వైతరణీతరంగిణిని దుర్దాంతాసిపత్రాటవీ
సముదగ్రాయసకంటకోగ్రకనకాంచచ్ఛాల్మలీవృక్షమున్.
| 171
|
క. |
నావిశ్రుతసుకృతము చెడుఁ, గావున నే నిపుడు నిన్నుఁ గనలి శపింపన్
రావణ నన్నుం దగవున, భూవిభుకడ కనిచిపుచ్చు పుచ్చక యున్నన్.
| 172
|
శా. |
రక్షశ్శిక్షణదక్షరామవిశిఖవ్రాతంబు లోలిన్ భవ
త్పక్షాపేక్షసమక్షరాక్షసబలాధ్యక్షాక్షయక్రవ్యముల్
పక్షిక్షుద్గతరూక్షవక్త్రములకున్ భక్షింప వే పెట్టి నీ
దక్షప్రక్షిపదక్షికుక్షిగళదోర్గర్వంబుఁ జెండాడెడున్.
| 173
|
చ. |
అని పలుకంగ సీతను దశాస్యుఁడు దోకొని సంతసంబుతో
వనములు భూరిశైలములు వాహినులుం గమలాకరంబులుం
గనుఁగొనుచున్ నరేంద్రుదెసఁ గల్గువెఱన్ దెస లోలిఁ జూచుచున్
ఘనతరచాపముక్తపటుకాండరయంబున నింగి నేగఁగన్.
| 174
|
ఉ. |
ఆయెడ సీత యొక్కవిపులాచలశృంగమునందు లీలమైఁ
బాయక యున్నవీరకపిపంచకముం గని యుత్తరీయకౌ
శేయము భూషణంబులును జేరఁగ వైచెను మీఁద రామభూ
నాయకుతోడ నాతెఱఁగు నమ్మఁగఁ జెప్పుదు రన్ తలంపునన్.
| 175
|
క. |
ఆవరభూషణముల సు, గ్రీవుఁడు దాఁపంగఁ బంచెఁ బ్రియమునఁ బంక్తి
గ్రీవుఁడు సీతాసహితుం, డై వారాశి వడిఁ జేరె నాసమయమునన్.
| 176
|
క. |
జలచరములు తిరుగుడువడ, జలరాశి గలంగ సిద్ధచారణులు నభ
స్తలమున ని ట్లనిరి ఖలుం, డలవఱి యింకన్ గతాసుఁ డయ్యెడు ననుచున్.
| 177
|
క. |
ధర్మనిధి యైనరాముస, ధర్మిణి నెత్తికొనిపోయె దశముఖుఁ డింకన్
ధర్మంబు మఱి యహింసా, కర్మము నార్జవముఁ దగవుఁ గలవే లంకన్.
| 178
|
రావణుఁడు సీతను లంకయం దుంచుట
వ. |
అనునంత నారావణుండును దనపాలిమృత్యుదేవతయుంబోలె సీత తోడరా
సముద్రంబు గడచి లంకాపురంబు సొచ్చి వివశురా లయినసీతను డించి త్రిజట
రప్పించి యారక్కసితోడ ని ట్లనియె.
| 179
|
చ. |
మణిగణకమ్రకాంచనసకమంచితభూషణతారహారముల్
ప్రణుతదుకూలవస్త్రములు భాసురసౌరభపుష్పమాలికా
గణములు చందనాదిబహుగంధములున్ మఱి యెవ్వి గోరు ను
ల్బణమతి వాని నన్నిటిని బైపయి నీసతి కిండు వేడుకన్.
| 180
|
క. |
తరుణీపురుషులలో నె, వ్వరు విమతులు వారు సూడ వల దీచెలువం
|
|