| వ. |
శ్యేనగామి శక్తియుఁ బృథుగ్రీవుండు భిండివాలమ్మును యజ్ఞశత్రుండు శూలం
బును మహారథుండు పరశ్వథంబును దుర్జయుండు దోమరంబును గరవీరాక్షుం
డు గరవాలంబును బరుషుండు పరిఘంబును గాలముఖుండు ముసలంబును మేఘ
మాలి ముద్గరంబును మహాబాహుండు గదయును సర్పాస్యుండు పట్టిసంబును
రోహితాంబరుండు గుంతంబును గొని చదల నదరులు చెదర నంకించుచుం
గవిసినఁ దత్కరంబులతోన శిరంబులు దునియం బండ్రెండు పటుభల్లంబులు
నిగిడించి మఱియు వివిధవిశిఖంబుల నిరవశేషంబుగా రక్కసులను నుక్కడంచి
దక్షాధ్వరధ్వంసంబు సేసినధూర్జటికిం బాటి యగుచు సంగరాంగణంబున వెలుం
గుచున్న రఘుపుంగవుం గనుంగొని ఖరుండు గోపంబు దీపింపం గడంగునెడఁ
ద్రిశిరుం డతని కి ట్లనియె.
| 226
|
త్రిశిరుండును ఖరుండును రామునిచేఁ జచ్చుట
| చ. |
నను విను రాక్షసేశ్వర రణంబున నీతనిఁ ద్రుంచివైచి నీ
మన మలరింతుఁ జొచ్చి పటుమార్గణసంపదసొంపు సూపెదం
దునిసెద నొండె నవ్విభునికతూపుల నిశ్చలభంగి నింక వే
యును బని లేదు నీ వొకముకహూర్తము తప్పక చూడు మేర్పడన్.
| 227
|
| ఆ. |
అనుచు నతని నుడిపి ధనువు మ్రోయించుచు, నంపగములు వఱప నవ్విభుండు
వానినెల్ల వింట వడిఁ బాఱఁ జదుపుచు, లెక్క సేయకుండె నుక్కు మెఱసి.
| 228
|
| క. |
ఉన్నఁ గనుంగొని మఱియుం, గ్రొన్నారాచములు మూఁడు గొని నుదు రేయం
జెన్నగుకుసుమాభరణం, బున్నతెఱం గైన దాని కొయ్యన నగుచున్.
| 229
|
| తే. |
శరచతుష్టయమున రథాశ్వములు మ్రొగ్గ
నంబకాష్టకమున సూతుఁ డవని నొఱఁగ
|
|
