| క. | ధరణీధరగహ్వరమున, గురుభామిని నుండఁ బనిచి ఘోరాసిధను | 190 |
| వ. | [1]అప్పుడు గ్రహమధ్యంబున వెలుంగునంగారకుతెఱంగునఁ గ్రూరరక్షోభటపరి | 191 |
| చ. | కవచలలామముం దొడిగి, కాంచనసూత్రనియంత్రితంబుగాఁ | 192 |
| చ. | పొరిఁబొరి నార్చుచుం గవిసి భూరితరంబుగ గర్జదభ్రముల్ | 193 |
| వ. | అయ్యవసరంబున. | 194 |
శ్రీరాముండు రాక్షససైన్యంబుల నుఱుమాడుట
| సీ. | అమరేంద్రుమీఁద దం డై పేర్చి యేతెంచు, కొండలఁ బోలు వేదండతతులు | |
- ↑ 191 మొదలుకొని 198 వఱకుఁ గలపాఠమునకు మాఱుగా
క. అంత మహాగగనాంతర, మంతయుఁ గరవాలశరశరాసనపరిఘా
కుంతక్షురికాపరశు, క్రాంతముగా వచ్చుసేన గని రఘుపతియున్.
ఉ. కాంచనరత్నదీప్త మగుకంకటమున్ ధరియించి శాతబా
ణాంచిత మైనతూణయుగ మందముగా బిగియించి మించి దీ
పించుమహోగ్రకార్ముకము భీమరయం బెసలార నారి యె
క్కించి గుణస్వనంబుఁ బరఁగించుచునుండిఁ బ్రచండమూర్తియై.
ఉ. ఆసమయంబున సురవియచ్చరసిద్ధసముత్కరంబులున్
వాసవలోకవాసినృపవర్గము దివ్యవిమానదీధితుల్
భాసురభంగి నింగిఁ గనుపట్టఁగఁ జూడఁగ వచ్చె నోలి భీ
మాసురకోటితోడ నసహాయత మార్కొనురామభద్రునిన్.
సీ. అమరేంద్రుమీఁద చం డై పేర్చి యేతెంచు, కొండలఁ బోలు వేదండతతులు
ప్రకటప్రభంజనుపై నెత్తి వచ్చుకా, దంబినిఁ బోలురథవ్రజంబు
కుంభజుమీఁద మార్కొన వచ్చు నంభోధి, తరఁగలగవిఁ బోలు తురగములును
బంచాననముమీఁద బలువిడి నడచు వే, దండయూథముఁ బోలు దైత్యభటులు
కులిశసమమార్గణుండును నలఘుబలుఁడు, నుగ్రతేజుండు రాజసింహుండు నైన
రాముఁ గని యార్చి నడచె నుద్దామభీమ, గమనవిభ్రాంతి మెఱయంగ ఖరునిఁ గడలి.
ఉ. ఆభీలంబుగ నిట్లు దైత్యఘనసైన్యం బుద్ధతం ద్రోవఁ బై
పై భూరేణువుఁ బర్వ బాణమున కుద్యద్భంగి గాఁ జాఁచినన్
శోభిల్లెన్ రఘురాముహస్తము దిశాశుండాలతుండాభ మై
భూభృద్విద్ఘనభూభరావహమహాభోగీంద్రభోగాభ మై.
