ఈ పుట అచ్చుదిద్దబడ్డది
పీఠిక
ఈ కాళహస్తిశతకము కచించిన కవి విశ్వకర్మకులప్రదీపకుడును భద్రయపుత్రుఁడును సనాతనగోత్రుఁడునగు బాణాల వీరశరభయ్య. ఈశతకకర్త తాను కవీంద్రుఁడనని చెప్పికొనినాఁడు. కాళహస్తీశ్వరుని గూర్చి సుప్రసిద్ధకవులలో నొకఁడగు ధూర్జటిగూడ నొకశతకము వ్రాసియున్నాఁడు. ఈ రెండుశతకము లేకవిషయప్రతిపాదితములైనను గుణదోషనిర్ణయమున నీరెంటిని బోల్చుట కెంతమాత్ర మవకాశము లేదు.
ప్రకృతశతకకర్త యగు వీరశరభకవి భాషాస్వరూపము గాని యర్థజ్ఞానము గాని పాటించి కవిత వ్రాయువాఁడు కాఁడు. ఇతనిపద్యములు చదువుటకు ననుకూలమగు గణనియమము మాత్రము కలిగియుండును. అర్థసందర్భముగల పద్యములుగాని భావబోధకములగు సమాసములు గాని విషయవంతములగు నల్లికలుగాని యీశతకమున లేవు.
