ఈ పుట అచ్చుదిద్దబడ్డది
598
ఇందలి పద్యములు కొన్ని దాశరథీశతకములోని పద్యములకుఁ జాలవఱ కనుకరణములైయున్నను అర్థసందర్భముగాని భావముగాని లేకుంట విచారణీయము. భాషాస్వరూపము రసవేతృత లేని పామరజనులీ శతకమును మిగులభక్తివిశ్వాసములతో బఠించుచున్నారు. భాషాజ్ఞానము లేనివారికి మాత్ర మిందలి పద్యముల గమనిక యార్షణపాత్రముగ నుండును. కవిత యెటులున్నను కవిమాత్రము కేవలము భక్తిభావపరవశుఁడై పద్యరచనము గావించెఁగాన నాతని ప్రయత్నము ప్రశంసనీయము.
ఈ శతకకర్త భావముగాని సందర్భమును గాని యతిప్రాసాది ఛందోనియమములఁగాని పాటింపకున్నను కాళహస్తీశ్వరానుగ్రహమున నీశతకము భాషాప్రపంచమున గాకున్నను భక్తప్రపంచమునందేని సజీవముగ నుండుట యొకవిశేషము.
ఇట్లు భాషాసేవకులు
నందిగామ
శేషాద్రిరమణకవులు
1-1-25
శతావధానులు
