పుట:భక్తిరసశతకసంపుటము 3.pdf/109

98

భక్తిరసశతకసంపుటము

ఉ.⁠

పాండవపక్షమై ప్రబలభండనవీథి మహోగ్రకార్ముకో దండకళాప్రచండభుజతాండవుఁ డాసురరాజపుత్రునిన్ దండిగ నేలి భానుసుతు దర్పమడంచి కురుక్షితీశ్వరున్ దండితుఁ జేసి ధర్మజుని దర్ప మెలర్పఁగ రాజుఁ జేసి పూ దండ యొసంగినట్టి ఘనదైవమ శ్రీ...

⁠ 135

శా.⁠

రావా మో మిటు జూపవా నను దయన్ రక్షింపవా బెంపవా భావాతీత గుణాశ్రయా భవహరా భాగ్యోదయా మాధవా కావా నాకును దల్లిదండ్రి విలపైఁ గారుణ్యరత్నాకరా నీవే దిక్కుర నన్నుఁ బ్రోచుటకును న్నీరేజపత్రేక్షణా.

⁠ 136

శా.⁠

ఏవేళ న్గమనీయసుందరములై యింపొందు నీయంఘ్రులున్ భావంబందున నిల్పి ప్రేమలతల న్బంధించి పూజించి యో దేవా కావుమటన్న సత్కరుణ వే దీపింపఁగా వచ్చి నా భావం బుల్లసిలంగఁ బ్రోవఁదగదా భాగ్యోదయా! శ్రీవరా.

⁠ 137

ఉ.⁠

ఎక్కడి కేఁగి తీవొ సుత యేమిర గోపమదేభగామినుల్ మక్కువ వారిమానధనమంతయు నీకు నొసంగియున్నవా రక్కట వారిప్రాణవిభు లంత యెఱింగిన మేలుకత్తిపై నెక్కుడుసాము గాదె యిది యేటికిఁ బోకుమటంచుఁ బల్కు నీ మక్కువ తల్లియొద్ద నయమాడెడు శ్రీ...

⁠ 133