పుట:భక్తిరసశతకసంపుటము 3.pdf/108

వికీసోర్స్ నుండి
ఈ పుట అచ్చుదిద్దబడ్డది

శ్రీరమణీమనోహరశతకము

97


ముక్కున ముత్యముంచి కడు మొక్కపుఁగస్తురిబొట్టు దిద్ది మా
రెక్కడలేని నిన్నుఁ దనయెక్కువప్రేమను ముద్దులాడు నీ
చక్కదనంబుఁ జూపు మనసాయెను శ్రీ...

130


ఉ.

చిక్కులఁ బెట్టనేల గడుఁజిక్కినన న్నలయించనేల నీ
యెక్కువ వీడనేల జగదీశ్వర సర్వజగంబులందుఁ బెం
పెక్కి వ్రజాంగనామణులనెల్ల ముదంబునఁ గ్రీడదేల్చు నీ
చక్కదనంబుఁ జూపు మనసాయెను శ్రీ...

131


ఉ.

రిక్కలఱేడు శాంతి ప్రసరించుముఖంబున రావిరేక మే
లక్కజమై దివాకరనిభాంకురమై వెలుఁగొందఁ గన్నులన్
జక్కఁగదిద్దు కాటుకలసారము నీలఘనాభ లొప్పఁ బెం
పక్కజమై కురు ల్భుజమునందు వినోదముచే నటించు నీ
చక్కదనంబుఁ జూడ మనసాయెను శ్రీ...

132


ఉ.

చిక్కనిపాలు ద్రావి వ్రజచేడియలిండ్ల నటించి వారలన్
జిక్కులఁ బెట్టి భావజుని జెన్నగుఁ గ్రీడల కెల్లఁ దార్చినీ
మక్కువ పిక్కటిల్ల సుకుమారుల జారులఁ జేసినట్టి నీ
చక్కదనంబుఁ జూపు మనసాయెను శ్రీ...

133


ఉ.

ఆలను గాచి గోపకులయాపదలెల్ల హరించి రుక్మిణీ
బాలికఁ బెండ్లియాడి కడుభద్రముగాఁ బదియాఱువేల నీ
లాలకల న్వరించి పటులాలనల న్మరు కేళిఁ దేల్చు నీ
లీలల నెంచఁజాలుటకు లేరుర శ్రీ...

134