పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/35

28

బ్రహ్మోత్తరఖండము

⁠

శాంతికపౌష్టికక్రియలు సంయమిసేవలు సేయుచుండఁ ద త్కాంతకుఁ జూలు నిల్చెఁ గుతుకంబునఁ బౌరులు సంతసిల్లఁగన్.

⁠ 36

మ.⁠

భరమయ్యె న్మణిభూషణంబులు దలంపన్‌ గౌను లావయ్యె ని ద్దురమబ్బుల్ ఘనమయ్యె దేహమునఁ గాంతు ల్మించె నాహారమున్ విరసంబయ్యెఁ జనించెఁ గోరికెలు నీవీబంధమున్ హెచ్చె న త్తరుణీరత్నము నాఁటినాఁటికిని యంతర్వత్నియై వర్ధిలన్.

⁠ 37

తే.⁠

నెలఁత కీరీతిఁ దొమ్మిదినెలలు నిండ దశమమాసంబునందు సంతస మెలర్ప గ్రహము లొక్కట శుభదృష్టిఁ గనుచునుండ నవ్యగుణధన్య యొక్కకన్యక జనించె.

⁠ 38

వ.⁠

ఇ ట్లుదయించిన యక్కన్యకారత్నంబునకు జాతకర్మాదిసం స్కారంబులు నిర్వర్తించి యాభూపాలుండు పరమానందం బున భూసురసమారాధనంబులు చేసి భూహిరణ్యాదిదానం బులు గావించి హైమవతిం గాంచిన హిమవంతునివిధం బున సంతుష్టాంతరంగుం డై యుండె నంత.

⁠ 39

క.⁠

శ్రీమతియును ధీమతియును భామతియును నగుటఁ జేసి బ్రాహ్మణజనముల్ నామక్రియ లొనరించిరి ప్రేమఁ గళావతి యనంగ బింబాధరికిన్.

⁠ 40

క.⁠

ఆకన్యక నానాఁటికి భూకాంతునిగృహమునందుఁ బోషిత యగుచుం

⁠