పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/34

ప్రథమాశ్వాసము

27

⁠

శ్రీకంఠుఁడు శరచందన రాకేందుయశుండు కాశిరా జన వెలయున్.

⁠ 32

సీ.⁠

తనభవ్యతరకీర్తి దశహరిద్భామినీ        ధమ్మిల్లములఁ బుష్పతతులు గాఁగఁ దనప్రతాపస్ఫూర్తి దగఁ జక్రవాళాద్రి        చరమభాగతమిస్రజాల మడఁపఁ దననిరంతరదానధారాప్రవాహంబు        జలరాసులకు మహోత్సవ మొనర్పఁ దనరూపవిభవంబు ధనదాత్మజ వసంత        మదనేంద్రజులకు విస్మయ మొనర్పఁ

⁠

తే.⁠

దనభరణశక్తి దిగ్దంతిఫణికులేంద్ర జరఠకచ్ఛపములకు విశ్రాంతి యొసఁగ లాలితంబుగఁ దత్పురం బేలుచుండె జిష్ణుశుభలక్షణుండు గాశీవిభుండు.

⁠ 33

క.⁠

ఆరాజురాజ్య మతిచో రారాతిక్షామడాంబరాదికరక్షో మారీభయవిరహిత మై ధారుణి నిరుపద్రవముగఁ దనరుచు నుండెన్.

⁠ 34

క.⁠

ఈవిధమున నాభూపతి దేవీసహితుండు నగుచుఁ దేజము మెఱయన్ శ్రీవిశ్వేశ్వరుకరుణను భూవలయం బేలుచుండె బుధులు నుతింపన్.

⁠ 35

ఉ.⁠

సంతతిలేక యీనృపతిసత్తముఁ డెంతయు నిష్ఠ మీఱఁగా నింతియుఁ దాను సువ్రతము నీశ్వరపూజలు దానధర్మముల్

⁠