Jump to content

పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/27

వికీసోర్స్ నుండి
ఈ పుట ఆమోదించబడ్డది

20

బ్రహ్మోత్తరఖండము


ఉ.⁠

వింటిమి సర్వధర్మములు వింటి మశేషపురాణసంహితల్
వింటిమి పూర్వరాజులపవిత్రచరిత్రము లార్యవృత్తముల్
వింటిమి విష్ణుసత్కథలు వీనులవిందుగ నింక మాకు ము
క్కంటిచరిత్రముల్ వినఁగఁ గౌతుకమయ్యెడిఁ దెల్పు మేర్పడన్.

⁠ 7


సీ.⁠

కాలు నిర్జించి మార్కండేయమునికిఁ గ
         ల్పాంతపర్యంతదీర్ఘాయు వొసఁగె
దశకంధరుఁడు దేవదానవాభేద్యుఁడై
         భాసిల్ల నొకచంద్రహాస మొసఁగె
భక్తవత్సలుఁ డౌట బాణాసురునియింటఁ
         గావలియుండె సత్కరుణ మెఱసి
గాండీవిరథముచెంగట నుండి శూలియై
         కౌరవ్యబలముల నీఱుజేసెఁ

⁠


ఆ.⁠

బార్వతీప్రియుండు పరమపవిత్రుండు
చంద్రశేఖరుండు శంకరుండు
నమ్మహానుభావు నాశ్రయించినవార
లిందునందు శుభము లందు టరుదె?

⁠ 8


క.⁠

ముంగొంగుపసిఁడి వాఁకిలి
ముంగిటఁ గల్పద్రుమంబు మొగి గోష్ఠములో
నం గల్గు కామధేనువు
తంగెడుజు న్నరయఁగా సదాశివుఁ డెందున్.

⁠ 9


వ.⁠

అట్లుకావునఁ బరమేశ్వరచరిత్రంబులును, దత్కవచవ్రత
ప్రభావంబులును, దద్భక్తలక్షణంబులును సవిస్తరంబుగాఁ
దెలియం బలుకవలయునని, శౌనకాదిమహామునులు శివ

⁠