పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/26

ప్రథమాశ్వాసము

19

⁠

వృక్షవాటికావిరాజితంబును, సింహ శరభ శార్దూల గండక భేరుండ వరాహ సారంగ గజ గవయ రోహిష మహిషాది మృగసంకులంబును భరద్వాజ శుక శారికా నీలకంఠ క్రౌంచరవముఖరితదిఙ్ముఖంబును, వికసిత కమల కైరవామోదఘుమంఘుమిత జలప్రపూరిత కమలాకరం బులుం గలిగి, భువనపావనంబు నై యొప్పు నవ్వనంబునందు శౌనకాదిమహామునులు వ్యాసశిష్యుండును రోమహర్షణ కుమారుండును నైన యుగ్రశ్రవసుం డనుపేరంబరంగిన సూతునివలన సకలపురాణేతిహాసంబులు వినుచుండి యొక్క నాఁడు వెండియు సూతుం జూచి యమ్మహామును లిట్లనిరి.

⁠ 3

క.⁠

ధన్యుండవు విద్వజ్జన మాన్యుండవు కుశలమతివి మానితగుణసౌ జన్యుండవు మానవసా మాన్యుండవె నీవు నీసమానులు గలరే?

⁠ 4

శా.⁠

వేదవ్యాసమునీంద్రుఁ డాద్యుఁడు మహావిద్వద్వతంసుండు దా వేదార్థంబు పురాణసంహితలుగా విఖ్యాతి నిర్మించి వి ద్యాదానంబుగ నీకొసంగ నవి యాద్యంతంబుగానట్టు స మ్మోదస్ఫూర్తిఁ జెలంగఁ బల్కితివి సంపూర్ణాంతరంగుండవై.

⁠ 5

శా.⁠

ఉల్లంబందుల నన్యకర్మకలనం బూహింపఁగా నేటికిన్ ముల్లోకంబుల కాదిదేవుఁడు జగత్పూజ్యుండు గౌరీశుఁ డు ద్యల్లక్ష్మీఫలదుండు శంభుఁడు శివుం డట్లౌట నేతత్కథా సల్లాపంబులఁ బ్రొద్దుఁబుచ్చుము భవజ్జన్మంబు ధన్యంబుగన్.

⁠ 6