పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/239

232

బ్రహ్మోత్తరఖండము

⁠

నీ వెవఁడవొ తెలియఁ బలుకు నిజముగ మాకున్ దేవుఁడవో మనుజుఁడవో ధీవర్య మదీయభాగ్యదేవతవొ తగన్.

⁠ 166

క.⁠

శ్రీమెఱయ భవత్సఖుఁ డయి భీమాహవరంగమునకు భీతిల్లక స త్ప్రేమంబుగఁ జనుదెంచిన యీమందరధైర్యుఁ డెవ్వఁ డేర్పడఁ జెపుమా.

⁠ 167

సీ.⁠

అలఘువిక్రమ నీకుఁ దలిదండ్రు లెవ్వరు         నీదేశ మెయ్యది నిశ్చయముగ నీధైర్య మీశౌర్య మీతేజ మీబలం         బరయంగ నితరులయందుఁ గలవె దేవాసురమనుష్యదీప్తంబు లైనము         జ్జగముల గెలువంగఁ జాలు దీవు నీపూర్వభవకృతానేకపుణ్యంబుల         నభినుతిచేయ నా కలవి యగునె

⁠

తే.⁠

నాదుపత్నుల హితులను నందనులను నాదురాజ్యంబు పురము నంతయును విడిచి నాదుచిత్తంబు నీయంద నాటియున్న దతిశయప్రేమబంధకం బగుటఁజేసి.

⁠ 168

క.⁠

అని యడిగిన భద్రాయువు కనుదమ్ముల హర్షబాష్పకణములు దొరుగన్ గన జలధరగంభీర స్వనమున దా నిట్టు లనియె జనకునితోడన్.

⁠ 169

ఉ.⁠

ఓయనఘాత్మ వీఁడును నయుం డనువైశ్యతనూభవుండు భ

⁠