పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/104

ద్వితీయాశ్వాసము

97

⁠

వంబు మెఱయ హేమరత్నమయం బైన నూతనశివాల యంబునకు వచ్చి యమ్మహాదేవుదర్శనంబు గావించి సాష్టాంగదండప్రణామంబు లాచరించి యందఱు సభాస్తర ణంబుల సుఖాసీనులై మృదుమధురసల్లాపంబు లొనర్చుచుఁ బరమానందంబున సుఖవృత్తి నుండి రంత.

⁠ 244

క.⁠

ఆభూమీశ్వరు లపు డా యాభీరకుమారు గుణగుణాలంకారుం బ్రాభవరేఖాకారున్ శోభితశంకరవిచారుఁ జూచిరి ప్రీతిన్.

⁠ 245

శా.⁠

వాత్సల్యంబున బాలకుం బిలిచి సంభావించి యాభూపతుల్ స్వోత్సంగంబుల నుంచి తద్గుణగణోద్యోగ ప్రచారంబులం దత్సామర్థ్యముఁ దన్మనోదృఢతయున్ దర్శించి యూహించి య త్యుత్సాహంబున నిచ్చి రప్పుడు ప్రభాయుక్తార్హభూషావళుల్.

⁠ 246

ఉ.⁠

కొందఱు ఘోటకంబులను గొందఱు భద్రగజోత్కరంబులన్ గొందఱు చామరంబులను గొందఱు భవ్యసితాతపత్రముల్ గొందఱు భేరికాదులను గొందఱు రత్నకిరీటకేతువుల్ గొందఱు రాంకవంబులను గోపకుమారున కిచ్చి రానృపుల్.

⁠ 247

వ.⁠

మఱియును.

⁠ 248

క.⁠

గోపతి విభవము మెఱయఁగ గోపకులంబునకు నెల్ల గురుఁ డగు నంచున్ గోపాధ్యక్షుని జేసిరి గోపార్భకు నచటఁ గలుగుగోత్రాధిపతుల్.

⁠ 249