పుట:ప్రభావతీప్రద్యుమ్నము (పింగళి సూరన).pdf/125

⁠

దమ కంత యే లగుఁ దాము దీర్ఘాయుర             న్వితు లగుదురు గాక యతివియోగ వనరాశి నేమును మునుఁగక తమమాట             యాస పెన్దెప్పగా నచల మైన తాల్మి నీఁదుచు నుండెదము తమ కస్మదీ             యప్రాణసంరక్షయందుఁ దగిన

⁠

తే.⁠

త్రోవ మాభాగ్యవశమునఁ దోఁచుదాఁక నోర్చుటయ కాక తమకింప యుక్త మగునె యని పలికి యూరకుండిన నంచచెలువ వారి కి ట్లను సముచితవాక్యసరణి.

⁠ 36

క.⁠

మీపతు లిట వచ్చుట కుచి తోపాయము మిగులఁ దడయ కొక్కటి తగ నే నాపాదించెద మీరలు నాపై దయ మఱవకుఁడు మనంబులయందున్.

⁠ 37

వ.⁠

ఏను బ్రభావతికిఁ బ్రాణసఖి నై యుండుదుఁ గావున నా చెలువపనుపున నీచిలుక నిట్లు దగులుకొని వచ్చితి నిది నిమిత్తంబుగా నైన మీతోడిమైత్రి దొరకె నింక నిక్కడ మిక్కిలిం దడయఁ దగదు పోయి వచ్చెద నచ్చట నిచ్చటి రహస్యంబు వెలివోవ నీక తగినయుత్తరం బిచ్చి కప్పి పుచ్చెద నిచ్చలంపుమనంబుల నుండుం డని పలికి యా మాటల కత్యంతసంతుష్టాంతరంగ లగు నాయంగనల వీడ్కొని వజ్రనాభతనయకడకు నరుగుదెంచి యి ట్లనియె.

⁠

క.⁠

చెలువా నీసౌభాగ్యపు విలసనమ కదమ్మ యెచట వీక్షించిన న

⁠