పుట:ప్రభావతీప్రద్యుమ్నము (పింగళి సూరన).pdf/124

⁠

పుటయుం దెలిపి యేను మీదాన నగుట మీచేత వెళ్ళ నాడించుకొని మీ కుపకారం బెక్కించి విడుచుటకు వచ్చిన దని చెప్పి తత్ప్రార్థనావశీకృతహృదయ యగుహంసిచేత విడువంబడి యేను బోయినకార్యంబు వివరించెద నని వారల వేఱువేఱం బేరు గ్రుచ్చి యి ట్లనియె.

⁠ 31

తే.⁠

చంద్రవతి నీదుప్రాణేశుఁ డింద్ర నిభుఁడు గదుఁడు ద్వారక నున్నాఁడు ముదముతోడ గుణవతీ నీదుప్రియుఁడు సాద్గుణ్యరాశి తనరుచున్నాఁడు సాంబుఁ డెంతయు శుభమున.

⁠ 32

క.⁠

ప్రకటితచాతురి నారా జకుమారులతోడ నుచితసమయముల న్మ చ్చిక చేసితి నేఁ గ్రమమున నొకఁ డెఱుఁగక యుండ నొకనియొద్దకుఁ జనుచున్.

⁠ 33

క.⁠

విదితము చేసితి మీమీ హృదయేశుల కంత మీయభీష్టము తెఱఁగుల్ తుద నంతయుఁ దెలిపితి మీ బ్రదుకులతదుపేక్షణైకపర్యంతతయున్.

⁠ 34

తే.⁠

వారు నేయుపాయములను వదలక వరి యించువా రైరి మిమ్ము మీ రింతలోన ధృతి సడల నిత్తురే నాత్మహతియ కాక పతిహననపాతకముఁ గల్గఁ బల్కి రపుడు.

⁠ 35

సీ.⁠

అని చెప్పుటయు విని యాకన్యకలు గరం             బులఁ గర్ణయుగళంబు మూసికొనుచుఁ

⁠