పుట:ప్రభావతీప్రద్యుమ్నము (పింగళి సూరన).pdf/102

సీ.⁠

కావున నోహంసి నీ వెఱుంగనిసఖీ             ధర్మంబు లేదు విద్వజ్జనంబు సఖ్యంబు నెంచును సాప్తపదీనంబు             గాఁగ నట్లౌట వేగంబ యరిగి యదుకుమారకునకు హృదయంగమముగ నీ             యతివసౌందర్యాదు లభినుతించి యేతన్మనోరథం బీడేర్పవలయు నీ             వని పల్కుటయును నాహంసరమణి

⁠

తే.⁠

యతనియొద్ద నీయంగనయంగకముల చక్కఁదన మెల్ల నొక్కప్రసంగవశత నేను మున్న వర్ణించినదానఁ దత్ప్ర సంగ మెయ్యది యంటేని సకియ వినుము.

⁠ 89

ఉ.⁠

ఏ నిట మున్ను నివ్వనరుహేక్షణఁ గన్గొని చన్నదాననై యానరవర్యుఁ గాంచి యరుదైనతదాకృతిశోభ కెన్న జో డైనది యావిలాసవతియాకృతిచెల్వమ కావునం దలం పైన వచింపఁగా వలసె నాతనియొద్దఁ బ్రసక్తి వెంబడిన్.

⁠ 90

క.⁠

వచియించిన నౌఁ గా దను వచనం బపు డేమియు నుడువకయుండె నతం డచలస్థితి నాకును నది య చాలు నప్పటికి నేతదర్థ మెఱుఁగమిన్.

⁠ 91

క.⁠

అన విని మనసు చివుక్కురు మనఁగఁ బ్రభావతి వివర్ణ మగువదనముతోఁ గనుపట్టుడు నింతనె ముగి సెనె కార్యం బేల యింత చింతిల ననుచున్.

⁠ 92