పుట:ప్రభావతీప్రద్యుమ్నము (పింగళి సూరన).pdf/101

⁠

భ్యాసాదులు విని మనంబునం గడు ముదం బందుచుం బ్రభావతిం జూచి యోచెలువ మనకొదవ లన్నియుం దీర్చుటకు శరణం బింక నిదియకాని వేఁ ఱొండు గాన మని పలికి యావులుఁగుఁజెలువకుం దనచెలికత్తె కలతెఱంగు సకలంబునుం జెప్పి తదాది గా నప్పటితుదకు ముదిత కొద వినమదనావస్థ లెల్ల సవిస్తరంబుగా వినిపించి యింతకుం దెల్లంబుగ నీపల్లవాధరయాకారంబు పరికించి చూడు మని యి ట్లనియె.

⁠ 86

సీ.⁠

నెలఁతముక్కరయందు నీలంబు గాదు సూ             తెలిదళుకొత్తుముత్తియము గాని యువిదసందిళ్ల బాహుపురులు గావు సూ             మితి చూడ నిడినయూర్మికలు గాని సుదతిపాలిండ్లఁ గస్తురినల్పు గాదు సూ             కనుదోయికాటుకకప్పు గాని రమణికర్ణికల వజ్రపుదీప్తి గాదు సూ             ప్రాఁగెంపుఁదునుకలరంగు గాని

⁠

తే.⁠

యూర్పువేఁడిమిఁ గృశత బాష్పోదయమున గండపాండిమఁ దత్తత్ప్రకారములను గానఁబడియెడు నోవిహంగమపురంధ్రి యింక నీచేత నున్న దీయింతిబ్రదుకు.

⁠ 87

చ.⁠

అరయఁగఁ దల్లి కక్క చెలియండ్రకుఁ దక్కును గల్గినట్టిచు ట్టరికమువారికి న్నెరయ డాఁచు రహస్యము లీనిజాంతర స్మరవికృతిప్రవర్తనలమాటలు వీని వినంగ నాప్త లై పరఁగెడునెచ్చెలుల్ చెలికిఁ బ్రాణము లిచ్చిన నప్పు దీఱునే.

⁠ 88