పుట:ప్రబోధచంద్రోదయము.pdf/5

గ్రంథకర్తలు – జంటకవులు

(నంది మల్లయ - ఘంట సింగయలు)

వీరిచరిత్ర నెఱుంగుటకు వీరికృతులు రెండుమాత్రమే మనకు లభ్యములగుచున్నవి.

1. వరాహపురాణము. 2. ప్రబోధచంద్రోదయము వీరిపేరున వినబడు మఱి యొకగ్రంథము కవులషష్ఠము భాగవత షష్ఠస్కంధము) ఇందు కొన్నిపద్యములు మాత్రము లభ్యమగుచున్నవి. లభ్యములైన వానిరెండింటినుండి వీరిచరిత్రను గూర్చిన వివరములు:-

వరాహపురాణము-

సీ.⁠

అపుడు సభావేది కాగ్రస్థితులమైన                           మమ్ము వాగీశ్వరీమంత్రరాజ సిద్ధి పారగులఁ గౌశిక భరద్వాజగో                           త్రుల మహాదేవాంఘ్రిజలజభక్తి పరతంత్రమతుల నాపస్తంబసూత్రుల                           గురుదక్షిణామూర్త్యఘోరశివుల శిష్యుల నతిశాంతచిత్తులఁ దనకు నా                           శ్రితుల భాషాద్వయకృతి నిరూఢ

⁠

గీ.⁠

శేముషీభూషణుల నంది సింగనార్య తనయు మల్లన కవికులోత్తముని ఘంట నాదధీమణి కూర్మినందనుని మలయ మారుతాంకితు సింగయమంత్రిఁ జూచి.

⁠ (1-31)