పుట:ప్రబోధచంద్రోదయము.pdf/180

⁠

జూచి శ్రద్ధా! నీవు రాఢాదేశంబున భాగీరథీసమీపంబునఁ జంద్రతీర్ధంబున మీమాంసానుగతయైన మతిసతి కతన నెట్టకేలకుఁ బ్రాణంబులు పట్టుకొని యుపనిషత్సంగంబుకొఱకుఁ దపంబు సలుపుచున్నవివేకుని కడకుం జని యిట్లనుము. కామక్రోధాదుల గెలువ నుద్యోగంబు చేయు మట్లైన వైరా గ్యుం డేతెంచు. నేనును సమయం బెఱింగి యమనియమప్రాణాయామాదుల బ్రోదిచేసికొని భవదీయసైన్యసంరంభణంబు చేసెద శాంత్యాదికౌశలంబున నుపనిషద్దేవీసంగతుండవగు నీకుంబ్రబోధచంద్రుం డుదయించుటకునై ఋతంభరాదికదేవీసమూహంబునుం గృతసన్నాహయై యున్నయది యని చెప్పుమని పంపిన నేనును వివేకునికడకుం జనుచున్నదాన. మైత్రీ! నీవింక నెవ్విధంబున దినములు గడపెద వనిన శ్రద్ధాంగనా! నేనును నా తోడఁ బుట్టువు లైనముదితాకరుణోపేక్షలం గూడుకొని మహత్ములహృదయంబుల నుండి వివేకాభ్యుదయంబుకొఱకు గడపెద నమ్మహాత్ములు మమ్మునలువుర మెలపెడువిధంబు వినుము.

⁠ 80

క.⁠

నను సఖునెడ నతిదుఃఖప రునెడఁ గరుణఁ బుణ్యతత్పరునియెడ ముదితన్ జెనఁటియెడ నుపేక్షను దమ మనమున నిల్పుదురు శాంతమతులు మహాత్ముల్.

⁠ 81

క.⁠

నలువురమును నీగతి మతి నిలుచుమహాత్ములకు నాత్మ నిర్మల మగుఁచో పులు గడిగినట్ల రాగా దులసంగతిచేత మున్ను దూషిత మైనన్.

⁠ 82

వ.⁠

కావున మేము నలువురము వివేకాభ్యుదయంబునందైన వ్యాపారంబుననే వాసరంబులు గడపెదము నీవును వివేకుని కడకుఁ జనుమని శ్రద్ధారమణిని మైత్రికమలనేత్ర యనిపె ననిపించుకొని చక్రతీర్థంబున నున్న వివేకమహా రాజు కడకుంజని విష్ణుభక్తి మహాదేవి యానతిచ్చినవిధంబు వినిపించిన.

⁠ 83