పుట:ప్రబోధచంద్రోదయము.pdf/178

క.⁠

ఐనను బతికార్యము తమ ప్రాణము వెచ్చించియైన భటునకుఁ జేయం గా నగు ధర్మశ్రద్ధలఁ దే నంపెద నాదుమంత్రదేవత ననినన్.

⁠ 69

గీ.⁠

శాంతి యప్పుడు తమతల్లి శ్రద్ధయన్న యీగ డెఱిఁగినవేడ్కయు జోగి సేయు కపటముననైన భీతియుఁ గడలుకొనఁగఁ గరుణయును దాను హరిభక్తికడకు నేగి.

⁠ 70

క.⁠

ధర్మశ్రద్ధలఁ గని యా మర్మంబంతయును జెప్పుమాత్రంబున జ్యో తిర్మయనిజతేజోజిత ధర్మచ్ఛవి సిద్ధమంత్రభైరవి కినుకన్.

⁠ 71

గీ.⁠

కవిసి ధర్ముని శ్రద్ధను గదియఁబట్టి యెత్తుకొని యభ్రపథమున కెగయువేళ నమ్మహాశక్తి భైరవి నంటఁ దఱిమి వేగ వారల విడిపించె విష్ణుభక్తి.

⁠ 72

క.⁠

అంతట శ్రద్ధారమణికి నెంతయుఁ జెలియైనమైత్రి యేతద్వృత్తం బంతయు విని చింతానల సంతప్త శ్రద్ధకడకుఁ జనుచో నెదుటన్.

⁠ 73

క.⁠

పడుచున్ లేచుచుఁ బులిచే విడివడినకురంగిఁ బోలి విహ్వలురాలై గడగడ వడఁకుచుఁ దన్నున్ బొడగనియు నెఱుంగలేనిబోటిన్ శ్రద్ధన్.

⁠ 74