పుట:ప్రబోధచంద్రోదయము.pdf/162

ప్రబోధచంద్రోదయము

తృతీయాశ్వాసము

క.⁠

శ్రీవాణీనాయకసమ భావజ్ఞ సతీసమూహభావభవ యశో భావి మలీకృతపూర్ణ గ్లౌవంశ యనంతిమంత్రి కమలజగంగా.

⁠ 1

వ.⁠

అవధరింపు మిట్లు మహామోహునిపనుపున మిథ్యాదృష్టి క్రమక్రమంబున శ్రద్ధతోడం జెలిమి చేసి తొడలపైనిం బెట్టి తేలింపుచు లేనిధర్మమోక్షం బులు కల్పించి శాస్త్రంపుఁబల్లఱపులు శరీరసుఖంబులకుం జెఱపనచేటలు గాని నిజంబులు కావనియును మోక్షంబు గలిగెనేని యది విషయానంద విముక్తంబు గావునఁ గొఱగాదనియును జెవి నిల్లు కట్టుకొని చెప్పి వేద మార్గోపనిషత్తులతోడ శ్రద్ధను విరుద్ధపఱిచి చెవియుం జెక్కు నెఱుంగ కుండ వేదబాహ్యపాషండవశంవదం జేసెఁ దమతల్లిం గానక శాంతి విభ్రాంతి నొంది విలపించుచు.

⁠ 2

సీ.⁠

ఏజెంత బోధించెనే నిన్ను నా తల్లి                           కాన! పాషండసంగతుల మెలఁగ నేబోడి గావించెనే యింతవిరిపోటు                           తల్లి! నీ కుపనిషత్తురుణితోడ నేముండ యెడఁబాపెనే నిన్నుఁ దల్లి! మా                           మీఁద హత్తినకూరిమియును గృపయు నేరండ బ్రమయించెనే నిన్నుఁ దల్లి! ధ                           ర్మంబు మోక్షం బబద్ధంబు లనుచు

⁠