పుట:ప్రబోధచంద్రోదయము.pdf/144

ప్రబోధచంద్రోదయము

ద్వితీయాశ్వాసము

క.⁠

శ్రీకరవీక్షణదాన శ్రీకర నరసింహనృపవశీకర నయవి ద్యాకరణ చతుర్దశవి ద్యాకర ధీరంగమతి యనంతయ గంగా!

⁠ 1

వ.⁠

అవధరింపుము మున్ను విద్యాప్రబోధచంద్రులకు నిర్విఘ్నంబు సంభవిం చుటకునై పుణ్యతీర్ధంబులవెంట దేవతాప్రార్థనంబుకొఱకు వివేకుండు పనిచిన శమదమాదుల భంజించి చతురాశ్రమవర్తనంబులం జీకాకుపఱచు కొఱకు మహామోహునిచేత ననుజ్ఞాతులైన భవదీయహితులలోన దం భుండు దృఢప్రారంభుం డగుచు నగణ్యపుణ్యమణిసాగరంబును దురితా నిలాజగరంబునునైన కాశికానగరంబు ప్రవేశించి గృహమేధివేషంబున వసియించి క్రమక్రమంబున నంతట నావటించిన తనమహిమ విలో కించి సంతసించి యాత్మగతంబున.

⁠ 2

మ.⁠

రతులన్ సీధురసంబుక్రోవు లగువారస్త్రీలకెమ్మోవులన్ మతి నుప్పొంగుచుఁ గ్రోలి వెన్నెలల నానందించి రేపాడి దీ క్షితులై తాపసులై సదాజపితలై క్షీరోదకాహారులై యతులై దంభత మోసపుచ్చుదురు మర్త్యశ్రేణి ధూర్తోత్తముల్.

⁠ 3

చ.⁠

అనుచుఁ దలంచి దక్షిణదిశాభిముఖుండయి దంభుఁ డొక్కనిం గనుఁగొని యీతఁ డెవ్వఁ డొకొ గర్వభరంబున మండుకైవడిన్ బెనఁచి జగంబులెల్ల వడిమ్రింగెడులాగున వాక్యలీల భ ర్త్సన మొనరించుచందమునఁ బ్రాజ్ఞత నొప్పెడిరీతి నొప్పుచున్.

⁠ 4

క.⁠

వారణసి దాఁటి యచటికిఁ జేరఁగఁ జనుదెంచె నితనిచే దక్షిణరా

⁠