అనవుడుం గాముండు రతిని విలోకించి చంచలలోచనా! వారును మేమునుం
జేటెఱుంగనికూనలమై మీఁద వచ్చు నుపద్రవంబు విచారింపక
దురాశాపాశబద్ధులమై కలహసన్నద్ధుల మయితి మింతియ యిప్పుడు పిడు
గువంటి వార్త యొక్కటి దిక్కుల న్వినంబడుచున్నయది యది యెఱిం
గించెద వెఱవకుము పూర్వంబున నంగరహితుండైన పరమేశ్వరునకుఁ
దద్గృహిణి యైనమాయకుఁ గూటమి లేకయే చిత్రంబుగా సంభవించిన
మనంబునకుఁ దనయుండైన వివేకునకు నుపనిషద్దేవివలనఁ గాళరాత్రికల్ప
యగు విద్య యను రాక్షసి ప్రబోధచంద్రునితోడం గూడ నుద్భవిల్లి తల్లి
దండ్రులను సహోదరులగు మోహాదులు మొదలైన సకలకులంబునుం గసి
మసంగి మెసంగు నీవిద్యాప్రబోధజననంబునకు నా శమదమాదు లెదురు
చూచుచున్నవా రనిన రతిపల్లవాధర యుల్లంబు తల్లడిల్ల నాహాకారపూర్వ
కంబుగా నాలింగనంబు గావించినఁ గాముండు తదీయసంస్పర్శనంబు
నకుఁ జొక్కి యాత్మగతంబున.
