పుట:ప్రబోధచంద్రోదయము.pdf/130

⁠

మమ్ముఁ బిలిపించిన మేమును రాజ్యలక్ష్మీకటాక్షపరంపరానుకారిమదాళి మాలికామండితగండమండలభద్రశుండాలమండితంబును, సేవాగతా నేకదుర్గాధిపచిత్రాందోళికాతపత్రసహస్రావలంబితభిత్తిభాగంబును, సుభటకోటివివిధాయుధప్రభాధగద్ధగాయమానంబును నగుబహిరంగణంబు దఱసి సామంతులు పుత్తెంచిన కానుక లందుకొనఁ గ్రందుకొన నందందు నడయాడుకంచుకీసంచయంబుల విలోకింపుచుఁ గక్ష్యాంతరంబులు గడచి విద్వత్కవినాయకవాంశికవందివైణవికవైతాళికమర్దళికాదులైన కళా వంతులు ప్రసంగఁబునం గొలగొల మంచు నంచెలంచెలై నిలిచినకొలువు చంచలలోచనలమైఁదీగెలం గదంబించుపరిమళంబుల గుబులుకొనుచు సమీపంబునం గూర్చున్న మన్నెరాజులభూషణరత్నకిరణరాజులచే విరాజితంబగు కొలువుకూటంబు చొచ్చి తనవైభవరత్నాకరంబున విహ రించు నంచలొకోయనఁ జామరగ్రాహిణీకనకకంకణక్రేంకియాలంకృతం బైన వింజామరంబు లిరువంకల రంజిల్ల నయనోత్సవంబుగాఁ గొల్వున్న తన్మంత్రిశేఖరుం గనుంగొని పరమహర్షంబున నాశీర్వదించిన నతండు.

⁠ 25

మ.⁠

వినయం బొప్పగ మమ్ము నైజనికటోర్విన్ జిత్రవర్ణాసనం బున నాసీనులఁ జేసి తత్సమయసంపూజాలసచ్ఛంభుమూ ర్థనవీనేందుకళాసుధాసురభిగంధంబైన హస్తాంబుజం బునఁ గర్పూరపువీడియంబు లిడి సంపూర్ణానురాగోక్తులన్.

⁠ 26

క.⁠

నేరుపరి పోహణించిన హారము వెల యెక్కులీల నతిశయముగ నా పేరఁ దెలిఁగింపవలయును సారపుఫణితులఁ బ్రబోధచంద్రోదయమున్.

⁠ 27

గీ.⁠

అనిన సౌందర్యలక్ష్మికి యౌవనోద యంబు దొరికినగతి నీమహాప్రబంధ మునకుఁ బతివైతి మాకు నపూర్వమైన కీర్తి కల్గె నటంచు నంగీకరించి.

⁠ 28