పుట:ప్రబోధచంద్రోదయము.pdf/129

⁠

షడ్దర్మనంబులు నరవి నిందున్నవి                           సందేహములు దీఱ విందుఁ గాని

⁠

గీ.⁠

యిమ్మహారసపాకము నెఱింగినట్టి జనుఁ డెఱుంగఁడు మఱి తల్లిచన్నుపాలు దీనిసరి చెప్ప మరిలేవు త్రిభువనముల దొరక దీకృతి నీవంటిదొరకుఁగాని.

⁠ 21

క.⁠

అనవుడు ననంతవిభుగం గన వారలఁ జూచి యిట్టిఘననాటకముం దెనుఁగునఁ బ్రబంధశయ్యకు నొనగూర్పఁగ నేర్చుసుకవు లుర్విం గలరే?

⁠ 22

వ.⁠

అని పలికిన.

⁠ 23

సీ.⁠

కలరు కౌశికగోత్రకలశాంబురాశిమం                           దారంబు సంగీతనంది నంది సింగమంత్రికిఁ బుణ్యశీల పోచమ్మకు                           నాత్మసంభవుఁడు మల్లయమనీషి యతని మేనల్లుఁ డంచితభరద్వాజగో                           త్రారామచైత్రోదయంబు ఘంట నాగధీమణికిఁ బుణ్యచరిత్ర యమ్మలాం                           బకుఁ గూర్మితనయుండు మలయమారు

⁠

గీ.⁠

తాహ్వయుఁడు సింగనార్యుఁడు నమృతవాక్కు లీశ్వరారాధకులు శాంతు లిలఁ బ్రసిద్దు లుభయభాషల నేర్పరు లుపమరులు స మర్థు లీకృతిరాజనిర్మాణమునకు.

⁠ 24

⁠

అని పలికి వారలం గనుంగొని సంతోషవికసితవదనారవిందుండై మీ తలంపు నాతలంపు నేకంబయ్యె నిదియ సరిలేని శుభనిమిత్తం బని వచ్చి

⁠