| |
వివిధమహిమలఁ దనరు నావిమలసరసిఁ
జూచి నివ్వెఱవడి రాజసూనుఁ డపుడు.
| (342)
|
| సీ. |
మెఱుఁగుశృంగములందు మెదలక యున్నవి
నీలమేఘంబులు నీరజాస్య!
వెన్నెలపులుగులు వేకువ చంద్రువైఁ
దేలుచన్నవి చూడు తియ్యఁబోఁడి!
మింట నాగడపలు మెల్లమెల్లగ విచ్చి
కానరావయ్యెనో కలువకంటి!
పారిజాతపుదీగ బహువర్ణపుష్పభా
రంబు మోవఁగలేదు కంబుకంఠి!
|
|
| గీ. |
ననుచుఁ దమలోన గర్భోక్తు లాడుకొనుచుఁ
దనకు నుపచారములు సేయు ననుఁగుజెలులఁ
జూచి నవ్వుచు సహజన్య చూడనొప్పెఁ
జారుదోహదలక్షణసహితయగుచు
| (343)[1]
|
సంస్కృతనాటకములు - ప్రబంధానువాదములు
పూర్వకవులు సంస్కృతవాటకములను ప్రబంధములుగా ననువదించుటకు హేతువు “ఆంధ్రనాటకములు - రంగస్థలములు" అను గ్రంథమున నిట్లుగలదు.[2]
“మనప్రబంధములు సంస్కృతనాటకములకును సంస్కృతకావ్యములకును మధ్యవర్తులు. వీనియందు నాటకములయొక్కయు కావ్యములయొక్క
- ↑ ప్రబంధరత్నావళి వేటూరి ప్రభాకరశాస్త్రి ద్వితీయ ముద్రణము 1976. పుటలు 72,78. ఇందు ప్రస్తుత గ్రంథపరిష్కర్త పీఠిక కలదు.
- ↑ టేకుమళ్ల అచ్యుతరావు. విజయనగరసామ్రాజ్యాంధ్రవాఙ్మయచరిత్ర పుట 168-169
