| తే. |
నసమసంగీతలహరిఁ బ్రియాళములను
జారుముఖగంధముల సిందువారములను
ప్రౌఢనఖరాంకురక్రీడఁ బాటలముల
నాదరంబార నంతంతఁ బ్రోది చేసి.
| 78
|
ఘటవాసి మల్లుభట్టు – జలపాలిమాహాత్మ్యము
| సీ. |
అతివ [1]పాదాంబుజాహతి నశోకము పూచె
[2]వెలది యూర్పునకు [3]వావిలి [4]హళించె
లలన చూపులచేతఁ [5]దిలకంబు పులకించెఁ
గోమలి కౌఁగిటఁ గొరవి ననచెఁ
గామినీవదనసంగతి నుబ్బె సంపెంగ
తరుణిచేఁబడ్డ చూతము ఫలించె
వనితగీతమున ప్రేంఖణము వాసన మించె
నారి నవ్విన కర్ణికార మలరె
|
|
| తే. |
నాతి మాటలవలనఁ బున్నాగతరువు
పొలఁతి మద్యంబు లుమియంగఁ బొగడ మించెఁ
జంద్రవదనలు విహరించు చతురగరిమ
నీరసంబులు సారస్యనిరతిఁ బొందె.
| 79
|
బొడ్డపాటి పేరయ – శంకరవిజయము
| తే. |
పాది గండూషమధు వుల్కి పల్కుజిఁల్కఁ
జూచి గోరొత్తి ముద్దిడి చాఁచి నవ్వి
[6]యూపు దాలించి కౌఁగిట నుపచరించి
ననువుచే నుండెఁ దరువులో నాథులొక్కొ.
| 80
|
అళివర్ణన
పొన్నాడ పెద్దిరాజు - ప్రద్యుమ్నచరిత
| మ. |
సకలారామములన్ మదాళి వినుతుల్ [7]సంపూర్ణమై యొప్పుఁ బు
ష్పకదంబంబుల హత్తుచున్ విడుచుచున్ [8]చాటించు చొక్కించు కిం
చుక కప్పించుచుఁ బాంథచిత్తములు సంక్షేపింపఁగా మ్రోయుచున్
ప్రకటానంగధనుర్గుణక్రియలు చూపన్ దారియై యేపునన్.
| 81
|
- ↑ చ.రాగంబు
- ↑ చ.నలది
- ↑ చ.నావిరి
- ↑ చ.హరించె
- ↑ చ.వికలంబు
- ↑ చ.పూవు
- ↑ చ.సంపూర్ణులై
- ↑ చ.గ్రీడించి
