పుట:ప్రబంధరత్నాకరము.pdf/238

తే.⁠

మలఁగి జఘనంబు వెనుకకు మాగ నిగిడి వ్రేళ్ళపై ముద్రికల మించు వెల్లిగొనఁగ వాఁడి వాలారు కొనకొని వలను మెఱసి కోర్కులె చరింపఁ బువ్వులు గోసె నోర్తు.

⁠ 71

చెదలువాడ యెఱ్ఱాప్రగడ - నృసింహపురాణము [2-81]

సీ.⁠

మునిగాళ్ళ మోపి నిక్కినఁ బదచ్ఛవి నేల               యును బల్లవించిన యొప్పు పడయ వలువేది నతనాభి వెలసి యొక్కింత సా               గిన మధ్యమెంతయు తనుత నొంద మొగమెత్తి మీఁదికి నిగిడించుఁ జూడ్కులు               కన్నుల విప్పెల్లఁ గానఁబడఁగఁ గడలొత్తు కరమూలఘనకాంతి సూపఱ               డెందము వోనీక ద్రెక్కొనంగ

⁠

తే.⁠

నొయ్య డాకేలు దవ్వుల నున్న తీఁగఁ దిగిచి నఖదీప్తు లంతంత దీటుకొనగ లీలఁ బెఱకేల నచ్చరలేమ యోర్తు గోసెఁ బువ్వులు ప్రమదవికాసలీల.

⁠ 72

^[1]

తే.⁠

వలపుగాడ్పులు నూర్పుల గలసి బెరయఁ దుమ్మెదలు గుంతలంబులు దొట్రుపడఁగఁ బువ్వులును నవ్వులును గూడి బొత్తుగలచు విరులు గోయఁదొణంగి రవ్వేళయందు.

⁠ 73

జక్కన – సాహసాంకము [5-27]

ఉ.⁠

అందని పువ్వుగుత్తి దెసకై యఱు సాపఁగ నేల బాల? కో యం దలపయ్యెనేని నెగయ న్నిను నెత్తెదనంచు సంతసం బందఁగ నెత్తి యెత్తి విభుఁ డందఱి ముందఱ దించుచుండఁగా నందినకంటె సంతసము నందె లతాంగియు మాటిమాటికిన్.

⁠ 74

బొడ్డపాటి - రాజశేఖరవిజయము

సీ.⁠

కరపదాధరకాంతి గప్పిన చోటెల్లఁ               బువ్వులుఁ జిగురులు పోలికలుగ నఖకపోలస్థలముఖరోచు లించుచోఁ               బరలుఁ దుమ్మెదలును విరులు గాఁగఁ

⁠

1. పిల్లలమఱ్ఱి పినవీరన – శాకుంతలము [2-135]