పుట:పూర్వకవుల శృంగారప్రబంధములు.pdf/82

తే.⁠

పాన్పు శుభ్రంబుగాఁ జేసి వచ్చి, స్నాన మాడు నందాక తనయొద్ద నతని నుండు మనుచుఁ బ్రార్థించి, తరువాత ననుపమాన మైన తెఱఁగున ముస్తాబు లై చెలంగు.

⁠

తే.⁠

అంత ముస్తాబుగా తయా రౌచు ఱైక మాత్రమే తొడుగుమనుచు మాటిమాటి కల్లవానిని బ్రతిమాలి యతనిచేత కోరి తొడిగించుకొనుచుండు కొమ్మ సతము.

⁠

తే.⁠

ఆతఁ డేనగ లిచ్చిన యానగలనె యాతఁ డేచీర నిచ్చిన యద్ది మాత్ర మాతఁ డేఱైక నొసఁగిన నదియ కాని తాను మాత్రము స్వాతంత్ర్య మూన దెపుడు.

⁠

తే.⁠

అది యతం డొక్కరీతి తయారు లగుచు నిలువుటద్దంబు దరికేగి నిలిచి ‘మనల లోన బాగుండునది, నీవ నేన?’ యనుచు తగవు లొందుచు, తుద కెల్ల తగవు తీఱ.

⁠

తే.⁠

కేలుకేలను గొని వేగఁ బూలపాన్పు దరికిఁ జని పైకి యెక్కి యాతలిరుఁబోణి ‘నీవ నేనా’ యటంచు ననేకవిధుల బలుకఁదొడఁగును సుధకారి మొలక లెత్త.

⁠

తే.⁠

దినదినంబును వా రిదేతీరుగాను సంతతానందవార్ధిలో స్నాన మాడి మెలఁగుచుండంగ నట దేవతలగురుండు వాసవునిఁ జేర, నింద్రుండు వంగి మ్రొక్కి.

⁠

క.⁠

‘అనఘా! యీ యుచితాసన మున నుండు’ డనిన దేవముఖ్యుం ‘డటులే’

⁠