పుట:పూర్వకవుల శృంగారప్రబంధములు.pdf/58

తే.⁠

కాని నీయీడు లేఁతయై కానుపించి యుండ మర్మావయవము బెంపొందియుండె నైన బెంపొందువారలకైన సుఖము నీకు నెబ్భంగి గల్గును బ్రాకటముగ.

⁠

క.⁠

గజనరవిద్యలు రెండును నిజముగ గలిగిట్టులీవు నిసుఁగై యుంటన్ గజిబజినొందక నుల్లము ఋజుమార్గమున న్వసించె నేమందునొకో?

⁠

చ.⁠

గొనబుగ నీదు తెల్వి జుఱుకున్ బరికించుటకై మదీయమౌ తనువునగల్గు నంగముల దాఁచక నీదగు చూపుతోవ నే ననువుగనుంతు నారసి తదంగములన్ మరు లుప్పతిల్లఁగా నొసరిన యంగమెద్ది నెనరూఱఁగ నిప్పుడె నాకుఁ దెల్పవే.

⁠

వ.⁠

అని పలికి నిర్జనంబగు నంతస్సదనంబున నా కుందరదన లజ్జావనతవదనయై కదనప్రియుండగు మదనప్రదరబాధితహృదయమై లేచి యాక్షణంబ.

⁠

సీ.⁠

ఎడలేని దడచే నతఁడును దా నున్నట్టి                    పొడవుటుప్పరిగెతల్పులు బిగించి తడఁబాటుచే గడగడ వడంకెడుకేల                    బొడిచెక్కడఁపు నడితొడవు సీల సడలించి వడి పోఁకముడి వీడఁజేసిన                    గుడుసువా ల్కెనయగు వెడఁదపిఱుఁదు కడగొని మడుగుపాల్కడలిని గెఱడులు                    జడిగాడ్పు దాడిఁగప్పెడువడువున

⁠

తే.⁠

పుడమి నంతట గప్ప నప్పుడు బెడంగు టడఱున బడంతి వెడవింటి గడుసుగిడుసు టడిదమన నిల్వఁబడియుండ బుడుతకొడుక డుడిగిపోనట్టి వెడఁగున జడిసి కాంచె.

⁠