పుట:పాంచాలీపరిణయము (కాకమాని మూర్తి).pdf/40

చతుర్థాశ్వాసము

39

⁠

ధారల్గట్టిన పుట్టతేనె వఱదల్ దార్కొన్న క్షీరాన్నముల్ మేరల్పట్టిన గట్టితైరులివి సుమ్మీ భోక్తృసంత్యక్తముల్.

⁠

సీ.⁠

ఒకవ్రేలఁ జవిచూచి యోరద్రోచిన బజ్జి యాఘ్రాణమునఁ బేర్చు నామ్రఫలము వాసనిడ్డెన నేతనద్ది నిల్పిన దొప్పపై చప్పరింతల పనసతొనలు చక్కెరఁ బొరలించి చాలించు రసదాళ్ళు కడద్రుంచి యుంచిన కమ్మవడయు మీఁదిమీఁగడమాత్రమే గ్రహించిన దధి యంటివైచిన కలవంటకములు కొఱికివిడిచిన యూర్గాయకొంత నాల్క, నోపి పడవైచు జున్నులు మూతిముట్టి మీటు కర్లపుటీతక్రమే ఘటిల్లె, భోజనాంతాన మత్కుక్షిభాజనములు.

⁠

క.⁠

చేతుల కిడు నూతనకల, శీతలకేతకసుగుంధిశీతలజలముల్ భూతలమున దొరుకుట యె, ట్లీకల సింహాసనస్థహితసేవనకున్.

⁠

క.⁠

పొంకముగ నతఁడు నృపమీ, నాంకులకంకురితఘుమఘుమామోదహి మై ణాంక మృగీమదపేషిత, కుంకుమ పంకంబు గాజుఁగోరల నొసఁగెన్.

⁠

క.⁠

ఆగుణమణి యొక్కనికిడు, బాగాలేచాలు బహుళపరిణయములకున్ బాగైన వలువ లొకనివి, భోగింపఁగ సీమ కేండ్లుపూండ్లకుఁజాలున్.

⁠

శా.⁠

గవ్యాపారకృపాకృపాణహత రక్షఃకుక్షిదోరంగ రం గవ్యాపార పరాపరాశర నిరీక్షాహృష్టభాచక్ర చ క్రవ్యాధూతమురామురళ్యమిత రాగస్థాపనాదక్ష ద క్షవ్యాళక్షతి తార్క్ష్యదేవనుత రక్షాదీక్ష దీక్షానిధీ.

⁠

క.⁠

కస్తూరిరాయకౌస్తుభ, వస్తూరీకృత శరీరవైభవభవ భ వ్యస్తవనభవన నవనీ, తస్తేయవిధేయ సంతతస్మేరముఖా.

⁠

ఉత్సాహము.⁠

మిత్రజాంబవద్విదర్భమేదినీశ్వరాది స త్పుత్రికాభుజాగృహీత భోగ్యనాగవల్లికా చిత్రవర్ణతాళవృంత చేలఖండ చామర ద్విత్ర పంచషాఖ్యముఖ్య వీక్షణీయలక్షణా.

⁠

గద్య.⁠

ఇది శ్రీమద్రామభద్రభజనముద్రకవిపట్టభద్ర కాద్రవేయాధిపవరసమాగత సరససారస్వతలహరీపరిపాక కాకమాని ప్రబోధబుధకవిసార్వభౌమపౌత్ర రామలింగభట్టపుత్ర కౌండిన్యగోత్రభాగధేయ మూర్తినామధేయప్రణీతంబైన పాంచాలీపరిణయంబను మహాప్రబంధంబునందుఁ జతుర్థాశ్వాసము

⁠