పుట:పద్మపురాణము (మడికి సింగన).pdf/91

ఉత్తరఖండము-ద్వితీయాశ్వాసము

59

క.⁠

లలిదంభ లోభ హాస్యం బుల నొండెను శఠత నొండె భూతేశ్వరునిం దలఁచినవారలు [1]మఱియును నలఘుమతిన్ యముని[2]కడకు నరుగరు సుమ్మీ!

⁠ 79

సీ.⁠

స్ఫటికశిలారత్నపార్థివంబుల శివ        లింగంబుఁ గావించి సంగతముగఁ బంచాక్షరీజపపరతఁ ద్రికాలంబుఁ        బూజించు శివభక్తి పూతమతులు నిరయంబుఁ జూడక నిరతిశయంబగు        శివలోకమునను వసింతు రెపుడుఁ; బూజసేయకయైన భూతేశు నతిభక్తిఁ        దలఁచినమాత్రన తత్పదంబుఁ

⁠

తే.⁠

బొందఁ గాంతురు; శివభక్తిఁ బోలనొండు ధర్మములు లేవు; శివునికిఁ దగ సమర్పి తంబులగు పత్రపుష్పఫలాంబువులును మొనసి నిర్మాల్యములు గాఁగ ముట్టరాదు.

⁠ 80

వ.⁠

తత్పదార్థంబు లన్నియుఁ గూపనిక్షేపణంబులు చేయునది గాని యది యుల్లంఘించిన మహాపాతకంబగు. మక్షికాంఘ్రిమాత్రం బును శివధనంబు లపహరించువారు ఘోరనరకప్రాప్తు లగుదురు. హరిహరాదులయం దేదేవు నారాధించిన యయ్యైలోకంబుల కరిగి సుఖంబు లనుభవింపుదురు.

⁠ 81

క.⁠

హరిభక్తులై మహేశ్వరుఁ బరువడి శివభక్తులయ్యుఁ బంకరుహాక్షుం గరకరివడి దూషించిన నరు లేగుదు రుగ్రమైన నరకంబునకున్.

⁠ 82

1. మరచియు (మ-తి)
2. పురికి (మ-తి)