పుట:పద్మపురాణము (మడికి సింగన).pdf/80

48

పద్మపురాణము

క.⁠

క్రతువులు నుపకారంబులు వ్రతములు నుపవాసములును వసుధావర స న్నుతమాఘస్నానమునకు సతతము సరిగావు [1]తలఁప సౌజన్యనిధీ!

⁠ 33

వ.⁠

ఈ యర్థంబున [2]కొక్కయితిహాసంబు గల దాకర్ణింపు మని యి ట్లనియె.

⁠ 34

హేమకుండలచరితము :

సీ.⁠

కృతయుగంబునఁ దొల్లి యతిశయసంపదఁ        బొలుపగు నైషధపురమునందు హేమకుండలుఁ డన నేపారు వైశ్యుండు        ధనదసమానుండు దానరతుఁడు కులజుండు సత్కర్మకుశలుండు దేవభూ        సురవహ్నిపూజనా[3]పరిణతుండు దానదయాచారధర్మసత్యంబులు        మొదలైన గుణములఁ బొదలుచుండు

⁠

తే.⁠

నవనిఁ గ్రయవిక్రయాదులయనువు లెఱుఁగుఁ గృషియు గోరక్షణాది సత్క్రియలు నేర్చు నధికసంపదలందును నధికుఁ డగుచు ధర్మచరితుండు నానొప్పు ధరణిమీఁద.

⁠ 35

వ.⁠

మఱియుఁ దృణకాష్ఠఫలమూలలవణైలాలవంగమలయజాగరు కుంకుమాదులను, వస్త్రధాన్యతైలాదులను, ధాతులోహాదులను, గోమహిషకుంజరాశ్చమేషాదులను సంగ్రహించి తత్క్రయ విక్రయలాభంబు లాదిగాఁగల బహువిధోపాయంబుల నెనిమిది కోట్లసువర్ణంబు సంపాదించి యున్నంత.

⁠ 36

1. నిత్య (మ)
2. నొక్క (ము)
3. పరిచితుండు (ము)