పుట:పద్మపురాణము (మడికి సింగన).pdf/55

ఉత్తరఖండము-ప్రథమాశ్వాసము

23

శా.⁠

ఆ కోలాహలభీతమై చటులవేగాన్వితసారంగ మ స్తోకంబైన వనంబున న్వెడలి యత్యుద్యత్పదోల్లంఘితా నేకానోకహదుర్గమార్గతతియై యేగె న్నిజేచ్ఛారతిన్ వైకల్యంబున నొక్కమాటు గగనవ్యాసంగియై వెండియున్.

⁠ 98

ఆ.⁠

కానవచ్చు నడఁగుఁ గ్రమ్మఱఁ బొడసూపు మెలఁగి చూచు దాఁటు మిన్నుముట్టు నంతకంత కమ్ము కందక వేగంబ యెగుచు వేఁటకాండ్ర నిగిడి మృగము.

⁠ 99

క.⁠

తొడరి పతి వెంటఁ దగులఁగ నడవులు నేఱులును గడచి యతిరభసమునం గడుదూర మరిగి చూడ్కికిఁ బొడచూపక యడఁగె మృగము; భూవరుఁ డంతన్.

⁠ 100

ఉ.⁠

కుత్తుక యెండి నోరఁ దడి కొంతయు లేక మొగంబు వాడ న త్యుత్తమశౌర్యులై పరఁగు యోధవరుల్ నిబిడశ్రమార్తులై యత్తఱిఁ గూడలే కచట నందఱుఁ గూడుక చిక్కియుండఁగాఁ జిత్తము దప్పిచే మిగులఁ జేడ్పడుట న్వికలస్వరంబునన్.

⁠ 101

క.⁠

ఉండఁగ మధ్యాహ్నమునకుఁ జండకిరణుఁ డేగుదెంచె జననాయకుఁడున్ బెండువడియుండి దిశ లొం దొండ పరీక్షించుచుండె నుదకాపేక్షన్.

⁠ 102

వ.⁠

అంత.

⁠ 103

క.⁠

జనవర కొలనిదె రమ్మని యనయముఁ జెప్పంగ వచ్చినట్టిదపోలెన్ [1]వనరుహసుగంధియగు న య్యనిలము వీతెంచె నృపతి కానందముగన్.

⁠ 104

1. వనరుహసుగంధయుతమగు, ననిలము (తి)